Zubin Mehta, director
Javier Perianes, piano
Camilla Nylund, soprano (primeira vez en Galicia)
Obras de Schubert, Chopin e Strauss

En moi pouco tempo, baixo a dirección colexiada de Zubin Mehta e Lorin Maazel, a Orquestra da Comunitat Valenciana converteuse nunha das referencias indispensables da música europea. Con Mehta, a orquestra levantina puxo en pé recentemente o primeiro Anel do Nibelungo de produción española, nunha aclamada montaxe de La Fura del Baus que deu a volta ao mundo, sendo cualificado como “o Anel do século XXI”.

Para a súa presentación en Galicia, ao conxunto uniránselle o pianista español máis recoñecido dos nosos días, Javier Perianes, e a Salomé de referencia nos principais teatros, a soprano escandinava Camilla Nylund. Precisamente, na última parte deste concerto, Nylund, Mehta e a Orquestra de la Comunitat ofrecerán a impresionante escena final da obra mestra de Richard Strauss, precedida pola célebre “Danza dos sete velos”.