Carlos de Aragón, piano

Cancións, arias de ópera e romanzas de zarzuela de Manuel García, Pauline Viardot, G. Rossini,  José Serrano, Federico Chueca…

Vivica Genaux, unha  das máis aclamadas intérpretes vocais do repertorio barroco e belcantista  da actualidade, chegará a Santiago só uns días despois de completar a súa última  gravación para o selo Virgin, a ópera “Ercole sul Termodonte” con Europa Galante e Fabio Biondi, xunto un elenco ateigado de estrelas internacionais como Diana Damrau, Patrizia Ciofi e Joyce DiDonato.

A cantante de Alaska acadou dous grandes éxitos na recente tempada, con “Tancredi” en Viena, baixo a batuta de René Jacobs, e en “Il mondo della luna” de F. J. Haydn, dirixida por Nikolaus Harnoncourt. No seu recital compostelán interpretará a brillante cantata “Giovanna D’Arco” de Rossini, ademais de cancións de Manuel García, pai das célebres María Malibrán e Pauline Viardot, e unha ampla selección de romanzas de zarzuela, unha das súas máximas especialidades.